Абнародаваны спіс кандыдатаў у акруговыя камісіі

18.06.2008. Тэгі: выбары-2008.
Крыніца: Прэс-служба А.Мілінкевіча.

Спіс кандыдатаў у акруговыя камісіі на выбарах 2008 года, падрыхтаваны ў межах ініцыяванай Рухам “За Свабоду” кампаніі “За Свабодныя выбары”, налічвае 110 прозвішчаў.

– Падрыхтоўка спісу і яго публікацыя арганізаваныя ў межах кампаніі “За Свабодныя выбары”. У спіс трапілі дасведчаныя ў грамадска-палітычнай дзейнасці людзі. Сярод іх былыя кіраўнікі дзяржавы, дэпутаты і кандыдаты ў дэпутаты розных узроўняў, былыя старшыні і члены выбарчых камісій і назіральнікі. Спіс, яго прыманне ўладай будзе крытэрам ацэнкі маючых адбыцца выбараў. Мы ўсе ўбачым, колькі чалавек з гэтага спісу будзе ўлучана ў склад акруговых камісій, і ўсё будзе зразумела, – тлумачыць абнародаванне спісу намеснік кіраўніка Руху “За Свабоду” Віктар Карнеенка.

Арганізатары кампаніі выкарыстоўваюць рэалістычны падыход. Яны прэтэндуюць толькі на адно месца для прадстаўніка дэмакратычных сілаў у кожнай акруговай камісіі (звычайна яна складаецца з 9-13 чалавек).

Віктар Карнеенка падкрэслівае, што людзі будуць вылучацца ў строгай адпаведнасці з Законам, альбо ад партый, альбо ад грамадзянаў шляхам збору подпісаў.

Спіс можна паглядзець тут.