Будаўнічыя працы ў гістарычным Менску праводзяцца з парушэньнем заканадаўства

19.06.2008. Тэгі: грамадства, гісторыя, пракуратура.
Крыніца: Пагоня.

Старшыня Беларускага добраахвотнага таварыства аховы помнiкаў гiсторыi i культуры Антон Астаповiч звярнуўся ў Генеральную пракуратуру ў сувязi з правядзеннем незаконных, на яго думку, работ у гiстарычным цэнтры Мiнска.

- На падмурках комплексу будынкаў №№19-21 на плошчы Свабоды, унесеных у Дзяржаўны спiс гiсторыка-культурных каштоўнасцяў Рэспублiкi Беларусь, пачалiся працы па ўзвядзеннi фантана, падпорных сценак i iншых малых архiтэктурных форм паводле праекта, выкананага унiтарным прадпрыемствам "Мiнскпраект" i ўзгодненага з Мiнiстэрствам культуры, - рассказвае старшыня Таварыства Антон Астаповіч карэспандэнту Пагоні. – Працы распачаты i iх узгадненне Мiнкультам парушаюць шэраг нарматыўна-прававых актаў. Мы просiм Генпракуратуру даць прававую ацэнку парушэнням нарматыўна-прававой базы з боку заказчыка работ, падрадных арганiзацый, Мiнiстэрства культуры як узгадняючага органа i прыцягнуць вiнаватых да адказнасцi. Дарэчы, комплекс жылых двухпавярховых будынкаў XVIII стагоддзя на плошчы Свабоды з'яўляўся часткай адзiнага архiтэктурнага ансамбля гiстарычнага цэнтра сталiцы i прымыкаў да Гасцiннага двара. Згодна з нарматыўна-прававымi актамi прадугледжана ўзнаўленне гэтых будынкаў, якое замяняецца пабудовай фантана, падпорных сценак i iншых малых архiтэктурных форм.