Вылучэнне кандыдатаў у дэпутаты Палаты пачнецца 20 ліпеня

25.06.2008. Тэгі: выбары-2008.
Крыніца: БЕЛТА.

З 20 ліпеня пачнецца вылучэнне кандыдатаў у дэпутаты Палаты прадстаўнікоў. Пра гэта стала вядома пасля таго, як Цэнтрвыбаркам зацвердзіў каляндарны план правядзення выбарчай кампаніі. Вылучэнне кандыдатаў у дэпутаты працягнецца да 18 жніўня. З 19-га да 28 жніўня будзе адбывацца іх рэгістрацыя, пасля чаго пачнецца агітацыйная кампанія.

Як паведамляе БЕЛТА, вылучэнне прадстаўнікоў у склад акружных выбаркамаў будзе праходзіць да 11 ліпеня. Праз тры дні пасля гэтай даты акружныя камісіі мусяць быць сфармаваныя. Сваіх прадстаўнікоў у іх склад могуць вылучаць групы грамадзян з 100 чалавек, грамадскія аб'яднанні, палітычныя партыі і працоўныя калектывы, у якіх налічваецца не менш за 30 чалавек.