Аляксандра Дабравольскага дапыталі па справе аб выбуху ў Мінску

18.07.2008. Тэгі: крымінальная справа, допыт, КДБ.
Крыніца: БелаПАН.

Сябра палітрады Аб'яднанай грамадзянскай партыі Аляксандра Дабравольскага дапыталі ў КДБ па справе аб выбуху ў Мінску.
Паводле яго словаў, супрацоўнікі спецслужбаў цікавіліся магчымай датычнасцю да выбуху былога ўдзельніка незарэгістраванай арганізацыі "Правы альянс" Юрыя Карэтнікава.
Дабравольскі пацвердзіў, што разам з Карэтнікавым 4 ліпеня знаходзіўся ў Страсбургу ў летнім універсітэце, арганізаваным у рамках Усходнееўрапейскай школы палітычных даследаванняў.

Таксама Дабравольскі падкрэсліў, што "Карэтнікаў не з'яўляецца прыхільнікам гвалтоўных дзеянняў". Таксама на допыты выклікаліся сябра палітрады АГП Валянціна Палевікова і актывіст Партыі БНФ Аляксандр Шарафановіч, якія таксама былі ў Страсбургу.