Рэдакцыі газеты "Intex-press" адмаўляюць у інфармацыі
05.04.2005.
Два выпадкі адмовы ў прадастаўленні інфармацыі журналістам недзяржаўнай газеты "Intex-press" (Баранавічы) адбыліся 1 красавіка. Журналісту Аксане Лянько адмовіліся прадставіць звесткі аб рэалізацыі "Праграмы рамонту балконаў" начальнік КУРЭП "ЖРЭУ" Л.Астапчык і намеснік начальніка гэтай жа арганізацыі В.Кудласевіч. Журналісту патлумачылі, што падставай для атрымання інфармацыі можа быць толькі пісьмовы запыт на імя кіраўніка арганізацыі.У той жа дзень начальнік упраўлення адукацыі Баранавіцкага гарвыканкаму І.Стасевіч адмовіўся паведаміць журналісту "Intex-press" А.Чарненку вынікі праверкі трох спартыўных школ горада, якія знаходзяцца ў кіраванні ўпраўлення. Чыноўнік спаслаўся на тое, што гэтыя звесткі ёсць унутранай інфармацыяй упраўлення адукацыі і не падлягаюць апублікаванню ў газеце. (БАЖ)
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
