Місіі назіральнікаў ад АБСЕ і СНД будуць запрашацца на парытэтнай аснове

22.07.2008. Тэгі: выбары-2008.
Крыніца: Радыё "Рацыя".

Місіі назіральнікаў ад АБСЕ і СНД будуць запрашацца на парытэтнай аснове. Пра гэта Рацыі паведаміў сакратар Цэнтрвыбаркаму Мікалай Лазавік. Паводле яго словаў, плануецца, што першыя міжнародныя назіральнікі прыедуць у Беларусь у сярэдзіне жніўня.

У сярэдзіне жніўня ў Беларусь мусіць прыехаць даўгатэрміновая місія міжнароднага назірання за выбарамі ў Палату прадстаўнікоў ад АБСЕ. Пра гэта Рыцыі паведаміў секратар Цэнтрвыбаркаму Мікалай Лазавік:

- На тыдзень з 11 жніўня прыедзе невялікая штабная місія. А праз тыдзень, калі будзе знойдзен офіс, вырашаныя ўсе арганізацыйныя пытанні, прыедуць доўгатэрміновыя назіральнікі.

Прыкладна ў гэты ж час з Усходу ў Беларусь падцягнуцца і назіральнікі ад СНД. Прычым, колькасць сябраў абедзвух груп будзе прыкладна аднолькавай:

- Прадугледжваецца, што доўгатэрітновая місія будзе недзе каля 40 чалавек і кароткатэрміновая – каля 300.

Варта азначыць, што місіі СНД і АБСЕ не аднойчы запрашаліся для назірання за выбарамі ў Беларусі. І рабілі па выніках супрацьлеглыя высновы. Калі эксперты ад СНД лічаць выбарчы працэс дэмакратычным, то назіральнікі ад АБСЕ яшчэ ні разу не прызналі іх ні сумленнымі, ні свабоднымі.