У Жлобінскай камісіі – два дэмакратычныя назіральнікі

24.07.2008. Тэгі: выбары-2008, Жлобін.

Два назіральнікі, якія прадстаўляюць Аб’яднаныя дэмакратычныя сілы Беларусі, накіраваныя ў Жлобінскую акруговую камісію па выбарах. У суседнім Светлагорскім раёне ў акруговай камісіі назіральнікаў ад дэмакратычных партый пакуль няма.

Марат Афанасьеў і Анатоль Сцепаненка пачалі назіраньне за працай Жлобінскай акруговай камісіі па выбарах у Палату прадстаўнікоў Нацыянальнага сходу Рэспублікі Беларусь. Першы з іх накіраваны назіральнікам ад Аб’яднанай грамадзянскай партыі, другі – ад Партыі камуністаў беларускай. Абодва – мясцовыя людзі, жывуць у Жлобіне. Аб гэтым распавёў Валерый Рыбчанка, першы сакратар Жлобінскай арганізацыі Партыі камуністаў (ПКБ).

У суседнім, Светлагорскім, раёне, як паведаміла актывіст Партыі камуністаў Святлана Міхальчанка, ў акруговую выбарчую камісію пакуль не накіраваны ніводны назіральнік ад дэмакратычных сілаў. Па яе словах, мясцовыя члены ПКБ будуць занятыя ў ініцыятыўнай групе па вылучэньню кандыдата ў дэпутаты, а іншыя партыі пакуль не праявілі імкненьня назіраць за працай акруговай камісіі.

“Праваабаронцы за свабодныя выбары