Гародня: Палітычны перасьлед Віктара Сазонава ўзмацняецца

31.07.2008. Тэгі: Гародня, выбары-2008.

У Гародні працягваецца ціск на Віктара Сазонава, праваабаронцу і грамадскага дзеяча. Сёньня, 31 ліпеня, яго выклікалі на 11 гадзін у Ленінскі РАУС горада Гродна. Выклік у міліцыю зьвязаны з выбухам у Менску у ноч з 3 на 4 ліпеня.

Тыдзень таму Віктар Сазонаў ужо выклікаўся ў КДБ па аналагічным пытаньні, а праз пару дзён двойчы беспадстаўна затрымліваўся на мяжы. Сярод іньшых пытаньняў спецслужбоўцы тады цікавіліся службай у войску, якую Віктар Сазонаў адбыў ажно 25 гадоў таму. Сазонаў заявіў, што паводле вайсковай спецыяльнасьці ён разьведчык, а не падрыўнік.

Зараз міліцыянты заявілі, што ім патрэбныя біяметрычныя дадзеныя праваабаронцы. Сам Віктар Сазонаў перакананы, што пад выглядам следства па справе выбуху ў Мінску, улады ажыцьцяўляюць сістэмны палітычны перасьлед актыўных удзельнікаў і назіральнікаў выбарчай кампаніі.

“Праваабаронцы за свабодныя выбары”