Сяргея Мальчыка дапыталі ў КДБ

30.07.2008. Тэгі: крымінальная справа, перасьлед, допыт, КДБ.
Крыніца: Радыё "Рацыя".

Больш за гадзіну правёў на допыце ва ўпраўленні КДБ па Гродзенскай вобласці кіраўнік абласной суполкі партыі БНФ Сяргей Мальчык. Перадусім службоўцаў цікавіла дзе быў апазыцыянер падчас мінскага выбуху.

Апошнімі днямі гродзенскіх апазыцыянэраў накрыла сапраўдная хваля перследу з боку супрацоўнікаў КДБ. Чарговай ахвярай стаў Сяргей Мальчык, якога сёння дапыталі наконт дачынення да мінскага выбуху. На думку апазыцыйнага актывіста, захады супрацоўнікаў спецслужбаў носяць мэтанакіраваны характар і абумоўленыя ў першую чаргу надыходзячымі парламенцкімі выбарамі і жаданнем прыцішыць актыўнасць апазыцыйных арганізацый.
Сяргей Мальчык за свае палітычныя погляды не аднойчы прыцягваўся да адміністрацыйнай адказнасьці ў выглядзе тэрмінаў зняволення і штрафаў у буйных памерах. Некалькі разоў яго дапытвалі супрацоўнікі кдб наконт актыўнай апазыцыйнай дзейнасці.