У Магілёве затрыманы актывіст руху "Зубр" Павел Угрыновіч
11.04.2005.
Актывіст руху "Зубр" Павал Угрыновіч быў затрыманы у ноч на 9 красавіка ў Магілёве. Супрацоўнікі міліцыі зьвінавацілі яго ў напісаньні графіці "Свабоду Марынічу!" на плоце непадалёк ад Беларуска-Расейскага ўнівэрсытэту. Затрыманьне ж адбылося на процілеглым баку вуліцы. Гэтая акалічнасьць вымусіла міліцыянтаў адпусьціць Паўла, бо доказаў яго датычнасьці да зьяўленьня надпісаў не было. Аднак у "зубра" быў адабраны балёнчык з фарбай.Падчас затрыманьня не было складзена ніякіх працэсуальных актаў, прадугледжаных заканадаўствам краіны. Супрацоўнікі міліцыі катэгарычна адмовіліся паказваць свае пасьведчаньні асобы. Зараз юрыдычная служба руху "Зубр" праводзіць праверку. Неправавыя дзеяньні міліцыянтаў абавязкова будуць абскарджаны ва ўстаноўленым Законам парадку.
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
