Звольнілі Аляксандра Кузняцова

29.07.2008. Тэгі: перасьлед, звальненьне, дэмакратычны актывіст.
Крыніца: Прэс-служба А.Мілінкевіча.

Кіраўнік Віцебскай суполкі “Моладзі БНФ”, прыхільнік “Руху ”За Свабоду” Аляксандр Кузняцоў працаваў санітарам у хуткай дапамозе.

- На мінулым тыдні мяне выклікаў галоўны фельшар і паведаміў, што мной цікавяцца з органаў, - паведаміў Аляксандр Кузняцоў. – І мне прапанавалі напісаць заяву па асабістым жаданні, у адваротным выпадку кіраўніцтва знойдзе прычыну, па якой мяне звольніць.

Зараз Аляксандру Кузняцову прыйшла позва ад судовага выканаўцы. У яго дзве судовыя справы па незаконным шэсці са сцягам 24 сакавіка і 26 красавіка. Аднак позвы ў суд яму яшчэ не дасылалі. “Атрымліваецца, што без мяне мяне судзілі”, - адзначыў Аляксандр.

Аляксандр Кузняцоў мае жонку і двух дзяцей.