Магілёў: Дзяржаўная газета піярыць праўладнага прэтэндэнта

04.08.2008. Тэгі: Магілёў, выбары-2008.

У Магілёўскай абласной газеце “Магілёўская праўда” за №65-66 за 1 жніўня 2008 года з’явіўся артыкул “Иди сам, помоги другим, и дано тебе будет!”. Артыкул – гэта інтэрвью са старшынёй абласнога грамадскага аб’яднання “Беларускі саюз ветэранаў вайны ў Афганістане” Уладзімірам Васіленкам. Трэба адзначыць, што вышэйзгаданы спадар ужо зарэгістраваў сваю ініцыятыўную групу па выбарчай акрузе №84.

У артыкуле распавядаецца пра дасягненні арганізацыі за апошнія часы, у тым ліку звяртаецца ўвага на тое, што ветэраны вайны ў Афганістане адстаялі права на ільготны праезд, дамагліся прыняцця абласной праграмы на 2006-2010 гг. па падтрымцы ветэранаў вайны ў Афганістане і г.д.

Спадар Васіленка на сённяшні дзень з’яўляецца дэпутатам абласнога Савета дэпутатаў. Ён таксама лаўрэат спецыяльнай прэміі аблвыканкама “Чалавек года” і, па ўсім відаць, разглядаецца як праўладны прэтэндэнт у дэпутаты Палаты Прадстаўнікоў.

Трэба таксама адзначыць, што ў склад акруговай выбарчай камісіі акругі №84 уваходзіць і прадстаўнік ГА “Беларускі саюз ветэранаў вайны ў Афганістане” Анатоль Пынцікаў.

“Праваабаронцы за свабодныя выбары”