Барысаўскіх актывістаў руху “Зубр” пакаралі штрафамі і папярэджаньнямі за акцыю салідарнасьці з Міхаілам Марынічам

13.04.2005.

12 красавіка ў Барысаве адміністрацыйная камісія мясцовага гарвыканкаму разгледзела справы непаўнагадовых актывістаў руху “Зубр”. Барысаўская моладзь была затрымана міліцыянтамі 31 сакавіка за ўдзел у апазыцыйнай акцыі.

Гэтая акцыя была прысьвечана таму, што ўжо некалькі месяцаў знаходзіцца за кратамі Міхаіл Марыніч. І ў Смалявічах сем чалавек стаялі з партрэтамі гэтага палітыка. Яны былі затрыманы. У выніку трох чалавек аштрафавалі. Аляксандра Малчанава пакаралі штрафам памерам 60 тысяч рублёў, Васіля Габрыленку – 60 тысяч, Міхаіла Старавойтава таксама 60 тысяч рублёў.

Астатнім непаўнагадовым актывістам “Зубра” з Барысава, якія праводзілі 31 сакавіка акцыю ў Смалявічах, адміністрацыйная камісія вынесла папярэджаньні. (Паводле Радыё Свабода)

Дадаць камэнтар

Камэнтары