А.Янукевіча выклікаюць ў міліцыю па справе 3 ліпеня

05.08.2008. Тэгі: крымінальная справа, КДБ, Партыя БНФ.
Крыніца: Прэс-служба Партыі БНФ.

Супрацоўнік КДБ Юры Салаўёў патэлефанаваў намесніку старшыні Партыі БНФ, кандыдату ў дэпутаты ад Партыі БНФ і спісу АДС Аляксею Янукевічу і запрасіў на размову ў сувязі з выбухам у Мінску 3 ліпеня.

Аляксей Янукевіч папрасіў аформіць запрашэнне належным чынам:

- Я папрасіў даслаць мне позву з пазначэннем таго, у якасці каго мяне запрашаюць. Я перакананы, што КДБ добра вядома, што ў мяне няма ніякай інфармацыі адносна выбуху. Па шчырасці, я не да канца разумею, якая мэта майго выкліку: відавочна, што гэта звязана з выбарамі, але таксама відавочна, што мяне немагчыма ані запалохаць гэтым запрашэннем, ані абвінаваціць у дачыненні да гэтай справы. Напэўна, гэта проста працуе тапорная схема, якая заўсёды запускаецца ў нашай краіне перад выбарамі.