Гомельская міліцыя па справе аб выбуху дапытала назіральніка

06.08.2008. Тэгі: выбары-2008, Гомель.

"Галоўны сведка" па справе аб выбуху 3 ліпеня дапытаны яшчэ ў панядзелак, аднак у Савецкі РАУС г. Гомеля працягваюць выклікаць на гутаркі актывістаў дэмсіл. Так, Уладзіміру Шыцікаву, назіральніку па 33-й акрузе, 4 жніўня пасля 20.00 патэлефанаваў дахаты супрацоўнік міліцыі. Ён, не прадставіўшыся, вусна запрасіў Уладзіміра на гутарку ў аддзяленне. На пытанне аб прычынах такой цікавасці да персоны Шыцікава з боку органаў міліцыянер адказаў, што Уладзімір з’яўляецца сведкам па справе аб выбуху 3 ліпеня.

Супрацоўнік Савецкага РАУС Каптуноў Ягор растлумачыў, што допытам сведак займаецца практычна ўвесь аддзел, у якім ён працуе. "Следства яшчэ вядзецца, і справа не зачынена", - так пракаментаваў Ягор Каптуноў сітуацыю.

"Праваабаронцы за свабодныя выбары"