Бабруйск: Дзяржаўныя СМІ хваляць праўладных кандыдатаў

06.08.2008. Тэгі: выбары-2008, Бабруйск.

У Бабруйску пачалася прыхаваная агітацыя за вылучэнцаў у кандыдаты ў дэпутаты ад улады. Так, напрыклад, гарвыканкамаўская газета “Бабруйскае жыццё” ўжо надрукавала інтэрв’ю з галоўным інжынерам ААТ “Белшына” Уладзімерам Карпяком, які вылучаецца па Бабруйскай-Першамайскай выбарчай акрузе. Інтерв’ю даволі вялікае і распавядае пра працу, сям’ю, хобі галоўнага інжынера, што само па сабе выглядае як спроба “прапіярыць” вылучэнца ад улады.

Акрамя таго, супрацоўнікі рэдакцыі “Бабруйскага жыцьця” плануюць у самы бліжэйшы час надрукаваць яшчэ шэраг інтэрв’ю з іньшымі “праўладнымі” прэтэндэнтамі на дэпутацкі мандат. У той жа час у газеце можна знайсьці матэрыялы з непрыхаванай “анціагітацыяй”, накіраванай супраць дэмакратычных і апазіцыйных да ўлады структураў.

“Праваабаронцы за свабодныя выбары”