Журналістаў недзяржаўных СМІ па ўсіх пытаннях скіроўваюць да ідэолагаў

07.08.2008. Тэгі: незалежныя выданьні, свабода слова.
Крыніца: Прэс-служба БАЖ.

Карэспандэнт рэгіянальнай недзяржаўнай газеты «Бобруйский курьер» Людміла Любімцава некалькі разоў звярталася ў гарадскі занальны цэнтр гігіены і эпідэміялогіі, каб атрыманць інфармацыю наконт забароны на купанне ў мясцовых вадаёмах.

24 ліпеня яна, паводле дамоўленасці, даслала супрацоўнікам цэнтру спіс сваіх пытанняў. Аднак, патэлефанаваўшы ў прызначаны дзень, журналістка атрымала катэгарычную адмову ў прадастаўленні «Бобруйскому курьеру» якой-кольвек інфармацыі.

Адмову матывавалі тым, што Цэнтр гігіены і эпідэміялогіі супрацоўнічае толькі з дзяржаўнымі выданнямі, і прапанавалі па ўсіх пытаннях звяртацца ў аддзел ідэалагічнай працы Бабруйскага гарвыканкама.