Андрэя Левінава звольнілі з працы

12.08.2008. Тэгі: звальненьне, выбары-2008.

Сёння, 12 жніўня, кіраўніцтва ОУС адміністрацыі Чыгуначнага раёна г. Віцебску азнаёміла прэтэндэнта на вылучэнне кандыдатам у дэпутаты ППНС РБ па Віцебскай-Чыгуначнай выбарчай акрузе № 19 Андрэя Левінава з рашэннем начальніка УУС Віцебскага Аблвыканкама палкоўніка міліцыі Фармагея аб звальненні з органаў унутраных спраў. У гэты ж самы дзень быў выдадзены загад і Левінава звольнілі з міліцыі.

Больш таго, капітану Левінаву пагражаюць узбуджэннем крымінальнага справы. Прычына пагроз відавочная - ва ўчастковым Левінаве бачаць рэальнага суперніка кандыдату ад улады, цяперашняму дэпутату Палаты Сяргею Сямашка.

Адзначым, што узбуджэнне крымінальнай справы (нават калі суда не будзе) дае акруговай камісіі магчымасць адмовіць капітану Левінаву ў рэгістрацыі кандыдатам.

“Праваабаронцы за свабодныя выбары”