Жыхары швецкага Гётэборгу зьбіралі сродкі для беларускіх рэпрэсаваных і палітзьняволеных

16.05.2005.

14 траўня актывісты Гётэборгскага аддзяленьня швецкай Арганізацыі за мір і арбітраж (Svenska Freds) – двойчы лаўрэата Нобелеўскай прэміі міру, сталага партнёра Праваабарончага цэнтру “Вясна” – зладзілі ў цэнтру гораду акцыю з мэтай праінфармаваць жыхароў пра сітуацыю ў Беларусі.

Акцыя праходзіла пад гістрычным беларускім бел-чырвона-белым сьцягам і пад выступ музычнай групы ”Circus Sol”. На шматлікія пытаньні мінакоў пра Беларусь і сітуацыю з правамі чалавека ў краіне адказвала Эва-Лена Ялмарссон – кіраўнік Гётэборгскага аддзяленьня Svenska Freds, якая неаднаразова прыязджала ў нашую краіну.

Падчас акцыі адбываўся збор ахвяраваньняў для беларускіх рэпрэсаваных і палітзьняволеных. Сабраныя сродкі будуць выкарыстаныя на дапамогу беларускім палітычным вязьням.

Дадаць камэнтар

Камэнтары