Бабруйская філія Праваабарончага цэнтру “Вясна” абрабавана.

13.06.2005.

У выходныя дні офіс бабруйскай філіі праваабарончай арганізацыі “Вясна” быў абрабаваны. З памяшкання вынеслі 10 крэслаў, тэлефон, гарбатнік, абагравальнік, знялі жалюзі і нават бел-чырвона-белы сцяг. Кіраўнік філіі Ходзька Ігар знаходзіўся ў той момант у паездцы і атрымаў гэтую інфармацыю па тэлефоне. Прадстаўнікі праваахоўных органаў, прыехаўшы на месца злачынства, папрасілі даць спіс людзей, якія наведваюцца ў офіс, патлумачыўшы гэта тым, што трэба шукаць злачынцаў сярод “сваіх”. Цяпер кожны, хто меў дачыненне да праваабарончай арганізацыі, будзе знаходзіцца пад падозраннем.
Па факту кражы ўзбуджана крымінальная справа.

Дадаць камэнтар

Камэнтары