У прысутнасьці Лукашэнкі адкрылі “лінію Сталіна”
30.06.2005.
На 28-м кілямэтры шашы Менск-Маладэчна адкрыўся гістарычна-культурны комплекс “Лінія Сталіна”, паведаміла Радыё Свабода.Блізка 10 тысяч сабраных на цырымоніі людзей убачылі вялікае тэатралізаванае шоў зь піратэхнічнымі эфэктамі, выкарыстаньнем авіяцыі й танкаў. На тэрыторыі комплексу – 40 гектарах – разгарнулася беспрэцэдэнтная выстава вайсковай тэхнікі. Вэтэранам, запрошаным на адкрыцьцё комплексу, прадстаўнікі Беларускага рэспубліканскага саюзу моладзі ўручалі выдадзены нядаўна ў Менску зборнік артыкулаў "Сталину, Европа, поклонись".
Прысутны на цырымоніі адкрыцьця Аляксандар Лукашэнка заявіў, што “Лінія Сталіна” павінна стаць самаакупным комплексам.
Шэраг беларускіх гісторыкаў напярэдадні адкрыцьця комплексу ацэньвалі рэанімацыю “Лініі Сталіна” як чарговы крок да апраўданьня на дзяржаўным узроўні злачынстваў сталінскай эпохі.
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
