М.Чарнавус: “Буду судзіцца да перамогі”
27.10.2008.
Тэгі: суды, прадпрымальнікі, СМІ.
Крыніца: Радыё «Свабода».
Сёньня суд гораду Баранавічы адхіліў пазоў прадпрымальніка Мікалая Чарнавуса аб абароне гонару і годнасьці да газэты Баранавіцкага гарвыканкаму “Наш край”.
Мікалай Чарнавус паведаміў, што паседжаньне пад старшынствам судзьдзі Ірыны Кульбеды было надзвычай кароткім: “Як толькі зайшлі я, рэдактар газэты і журналіст, то судзьдзя агучыла: “Імем Рэспублікі Беларусь у пазове Мікалая Чарнавуса да газэты “Наш край” адмовіць. Усё! Усе — вольныя”.
Са словаў Мікалая Чарнавуса, сёньня ён запатрабаваў рашэньне Баранавіцкага суду, каб накіраваць апэляцыю ў суд вышэйшай інстанцыі. “Свабода” паведамляла, што газэта “Наш край” сёлета 24 траўня надрукавала вялікі артыкул на дзьвюх старонках, які, на думку Мікалая Чарнавуса, быў “заказным” і зьневажаў яго як кандыдата ў дэпутаты Палаты прадстаўнікоў.
Мікалаю Чарнавусу 55 гадоў, ён індывідуальны прадпрымальнік, сябра Аб’яднанай грамадзянскай партыі
Навіны па тэме
09.01.2009 6000 подпiсаў за рэферэндум у Магiлёве сабралi прадпрымальнiкi рынку мiкрараёна «Саломiнка»
09.01.2009 Бізнэсоўцы заклікаюць да “Маршу пакрыўджаных і непачутых”
08.01.2009 Прадпрымальнікі заяўляюць пра новыя акцыі пратэсту
31.12.2008 Суд на Новы год
29.12.2008 10 мільёнаў рублёў за пасквілі
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
