Полацкіх актывістаў дапытваюць па дзейнасьці «Маладога фронту»
02.11.2008.
Тэгі: Малады Фронт, допыт.
Крыніца: Хартыя'97.
Актывіста полацкай філіі «Маладога Фронту» Зьмітра Сакалова ў пятніцу забралі з працы на допыт у міліцыю. Міліцыянта, спадара Крахотку, цікавілі падрабязнасьці дзейнасьці полацкіх маладафронтаўцаў і іх супраца зь іншымі моладзевымі дэмакратычнымі арганізацыямі, паведамляе сайт “Маладога Фронта”.
Допыт цягнуўся цягам 3-х гадзін. “Запытваліся абсалютна пра ўсё, - кажа Зьміцер Сакалоў, - каго ведаеш, зь якога часу ведаеш, якія адносіны паміж вамі, хто дзе жыве, колькі маладафронтаўцаў у Полацку і г.д. Сэнсу гэтых пытаньняў я ня бачу, бо, відавочна, яны валодаюць гэтай інфармацыяй”.
Калі Зьміцер адмовіўся даваць адказы на пытаньні, міліцыянты прыстрашылі яго зрабіць невыязным зь Беларусі.
Нагадаем, некалькі дзён назад у полацкай міліцыі былі дапытаны і непаўнегадовыя маладафронтаўцы Карэн Платонаў і Кася Жогаль, паведамляе Хартыя-97
Навіны па тэме
05.12.2008 Галадоўка ў Дзень правоў чалавека
26.11.2008 У міліцыю віклікаюць бацьку моладзевага актывіста
10.11.2008 Сёньня будуць судзіць маладафронтаўцаў
31.10.2008 Распачатая кампанія "Мабільная сувязь па-беларуску"
29.10.2008 На Полаччыне дапыталі моладзевага актывіста
Дадаць камэнтар
Камэнтары
Камэнтароў да гэтага артыкулу няма
