Акцыі ў падтрымку зняволенага Аляксандра Баразенкі

10.11.2008. Тэгі: акцыі, зьняволеныя.
Крыніца: Хартыя'97.

Сёньня ў Берасці прайшлі акцыі пратэсту супраць зняволення актывіста кампаніі “Еўрапейская Беларусь” Аляксандра Баразенкі.

Актывістамі кампаніі былі развешаныя чорна-белыя плякаты палітзняволенага з надпісам "Свабоду Аляксандру Баразенку!" уздоўж вуліц Арлоўская, Маскоўская, Ленінградзкая, Гаўрылава ды Партызанскага праспэкту, што знаходзяцца ў мікрараёне Ўсход.

Акцыя скіравана на прыцягненне ўвагі грамадзкасці гораду да з’яўленьня ў краіне новых палітычных зняволеных. Па меркаванні аднаго з актывістаў, "рэверансы" улады Беларусі ў бок Захаду ніяк не паспрыялі спыненьню пераследу апазыцыі. Таму акцыі салідарнасці з палітвязнем будуць працягвацца і надалей.