Напярэдадні 60-ых угодкаў прыняцьця Усеагульнай Дэклярацыі правоў чалавека ўзмацняецца ціск на беларускіх праваабаронцаў
30.11.2008.
Тэгі: праваабаронцы, выезд за мяжу.
29 лістапада на гарадзенскім чыгуначным вакзале зноў доўга трымалі гарадзенскага праваабаронцу Віктара Сазонава, які цягніком вяртаўся з Польшчы. На падставе чаго грамадзкага актывіста падвяргаюць узмоцненаму дагляду на мяжы, памежнікі і мытнікі не тлумачаць. Відавочна, што на памежных пераходах існуюць нейкія сакрэтныя спісы, якія абсалютна супярэчаць існаму заканадаўству і парушаюць правы чалавека.
У гэты ж дзень на аўтамабільным памежным пераезьдзе Прывалка, што на беларуска-летувіскай мяжы двойчы падвяргаўся асабістаму дагляду іншы гарадзенскі праваабаронца Уладзімір Хільмановіч. Аўтобус, на якім ён ехаў у Друзгенікі, трымалі на мяжы паўтары гадзіны (звычайна працэдура памежнага і мытнага афармлення займае ад 20 да 40 хвілін). Па дарозе назад гісторыя паўтарылася, а аўтобус з пасажырамі трымалі крыху менш часу – гадзіну. Уладзімір Хільмановіч лічыць такую дыскрымінацыю ў выглядзе рэгулярных даглядаў і ператрусаў асабістых рэчаў на мяжы пераследам з боку спецслужбаў за яго грамадзкую і публіцыстычную дзейнасьць.
Навіны па тэме
09.01.2009 У Беларусі пашыраецца практыка выкарыстаньня Узброеных сілаў як сродка барацьбы з іншадумцамі
09.01.2009 Чарговая амністыя: вызваліць турмы, каб зноў запоўніць?
26.12.2008 У Наваполацку ганьбяць праваабаронцаў
26.12.2008 Шаноўныя сябры, чытачы нашага сайту, прыхільнікі і аднадумцы!
20.12.2008 Віцебскага падлетка Максіма Андрэева адабралі ў маці і змясцілі ў інтэрнат – без судовага рашэння
Дадаць камэнтар
Камэнтары
Камэнтароў да гэтага артыкулу няма
