У Полацку затрымалі трох актывістаў
03.12.2008.
Тэгі: затрыманьні, моладзевыя актывісты.
Крыніца: Радыё «Свабода».
Мясцовы моладзевы актывіст Алесь Круткін і яшчэ два ягоныя аднадумцы зьбіраліся правесьці акцыю ў падтрымку Аляксандра Баразенкі.
Хлопцы меркавалі выйсьці з партрэтамі асуджанага прадпрымальніка да Дому гандлю ў Полацку. Яны сабраліся за 15 хвілін да пачатку акцыі, заплянаванай на 18.30, і чакалі астатніх сяброў, калі да іх пад’ехала міліцэйская машына.
Паводле Алеся Круткіна, міліцыянт зьвярнуўся да яго са словамі “Добры вечар, спадар Круткін”, а потым загадаў паехаць у пастарунак нібыта для высьвятленьня асобы. У Полацкі гарадзкі аддзел міліцыі завезьлі і двух ягоных сяброў. Пакуль што затрыманыя знаходзяцца ў пастарунку.
Навіны па тэме
31.12.2008 Суд на Новы год
30.12.2008 У Берасьці затрымалі распаўсюднікаў газэты
20.12.2008 Гомельскія актывісты правялі акцыю "У будучыню - без КДБ"
Дадаць камэнтар
Камэнтары
Камэнтароў да гэтага артыкулу няма
