Становішча нацыянальных меншасьцяў у Беларусі будзе разглядаць асамблея НАТА
19.08.2005.
Праблемы нацыянальных меншасьцяў у Беларусі разгледзіць Парламенцкая асамблея НАТА. Пытаньне будзе абмяркоўвацца ў канцы верасьня ў Вільні. Пра гэта паведаміў 18 жніўня віцэ-сьпікер літоўскага сейма Чэславас Юрсэнас, які знаходзіцца ў Польшчы, перадала Польскае радыё.Ч.Юрсэнас выказаўся таксама за актыўную ролю Еўрапейскай камісіі. Палітык лічыць карыснымі паездкі маладых беларусаў за мяжу, каб яны на ўласныя вочы бачылі, "як жывуць у дэмакратычных краінах".
Ч.Юрсэнас і віцэ-сьпікер польскага сейма Томаш Наленч абмеркавалі праблемы польскіх і літоўскіх меншасьцяў у Беларусі. Палітыкі заявілі пра неабходнасьць прыцягненьня ўвагі міжнароднай супольнасьці да апошніх падзеяў у краіне, а блізкія суседзі Беларусі павінны стварыць рабочую групу з удзелам Літвы, Польшчы, Латвіі і Украіны для каардынацыі палітыкі ў беларускім накірунку.
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
