Праваабарончы цэнтр “Вясна” смуткуе з нагоды сьмерці Валянціны Адамаўны Ганчар – маці зьніклага Віктара Ганчара
30.10.2005.
29 кастрычніка на 78-ым годзе пайшла з жыцьцья маці зьніклага палітыка Віктара Ганчара – Валянціна Адамаўна. Жанчна так і не дачакалася свайго сына, не даведлася, што з ім сталася…“Пашкадуйце сваю сівізну, маё мацярынскае сэрца, не дайце мне памерці, не пабачыўшы сына, -- зьвярталася Валянціна Адамаўна да беларускіх уладаў пасьля зьнікненьня Віктара Ганчара. – Калі вы ячшэ памятаеце ласкавыя рукі сваіх мацярок, іх вочы, усьмешкі, сьмех, калі ў вас заталася хаця б іскрынка чалавечнасьці, сумленьня, калі ў вас ёсьць дзеці і для вас яны даражэй за жыцьцё, калі вы верыце ў Бога і вечнае царства справядлівасьці, не маўчыце…”
Праваабарончы цэнтр “Вясна” смуткуе з нагоды сьмерці Валянціны Адамаўны і выказвае спачуваньні родным, якія страцілі блізкага чалавека.
Мы ўпэўненыя, што праўда пра лёс Віктара Ганчара ў хуткім часе будзе раскрытая, а вінаватыя ў зьдзейсьненым злачынстве і пакутах родных і блізкіх палітыка будуць пакараныя.
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
