Затрыманых маладафронтаўцаў вінавацяць у "антысанітарыі"
Затрыманыя актывісты Маладога Фронту Алена Макарэвіч і Зміцер Ясевіч зараз знаходзяцца ў апорным пункце Савецкага РАУСа.
Старэйшы лейтэнант Барадзенка складае на іх пратаколы адміністратыўнага правапарушэння па ч.2 арт.21.14 КаАП РБ – “за антысанітарыю”.
Маладафронтаўцаў затрымалі прыкладна ў 14.45 ахоўнікі Камароўскага рынку. Яны раздавалі бел-чырвона-белыя сцяжкі, налепкі і ўлёткі ў рамках кампаніі «Горад наш!».
На працягу трох гадзін з моманту затрымання іх абавязаны адпусціць, паколькі дадзены адміністратыўны артыкул прадугледжвае пакаранне толькі ў выглядзе штрафа (да 25 базавых велічынь).
Справы па дадзеным артыкуле разглядаюцца на адміністратыўных камісіях.
***
Праз тры гадзіны маладафронтаўцаў адпусцілі з апорнага пункту. Аднак пратакол аб адміністратыўным правапарушэнні выдалі толькі А.Макарэвіч.
