Камітэт дзяржаўнай бясьпекі зацікавіўся дзейнасьцю студэнткі адной з магілёўскіх ВНУ, актывісткі моладзевых дэмакратычных арганізацыяў Вольгі Семчанка.

30.01.2006.

Зь ёй была праведзеная «прафіляктычная размова», якая сталася для грамадзкай актывісткі своеасаблівым папярэджаньнем, паведамляе сайт www.belngo.info

Паводле словаў В. Семчанка, яна была запрошаная ў кабінэт камэнданта інтэрната, дзе знаходзіўся невядомы чалавек, які назваўся старшым лейтэнантам КДБ Андрэем Валер’евічам (назваць сваё прозьвішча ён адмовіўся). Кадэбіст папрасіў студэнтку адказаць на шэраг пытаньняў, якія яго цікавілі. Найперш яны датычылі ўдзелу Вольгі Семчанка ў розных моладзевых дэмакратычных арганізацыях, а таксама яе палітычных поглядаў. Пры гэтым, супрацоўнік КДБ прадэманстраваў сваю паінфармаванасьць у дэталях біяграфіі грамадзкай актывісткі. Ён папярэдзіў В. Семчанка аб наступствах, якія могуць здарыцца ў выпадку яе «няправільных палітычных паводзінаў».

Дадаць камэнтар

Камэнтары