Жодзінскія актывісты маюць намер асабіста кантраляваць фармаваньне ўчастковых выбарчых камісій

01.02.2006.

У Жодзіне застаюцца без адказу звароты дэмакратычнай грамадзкасьці да гарвыканкаму, зьвязаныя з "мясцовым мэханізмам фармаваньня" ўчастковых камісіяў.

Як паведаміў Радыё Свабода лідэр жодзінскай суполкі партыі БНФ Аляксей Лапіцкі, каля двух дзесяткаў тутэйшых дэмакратычных актывістаў прапанавалі ў гэтыя камісіі свае кандыдатуры.

Усе яны выканалі патрабаваньне выбарчага заканадаўства – сабралі неабходную для вылучэньня колькасьць подпісаў жыхароў гораду.

Паводле Лапіцкага, прэтэндэнты на сяброўства ў камісіях выказалі намер асабіста прысутнічаць пры разглядзе сваіх кандыдатур на сумесным паседжаньні гарвыканкаму і гарсавету. Аднак, калі яно адбудзецца, жодзінскім дэмакратам усё яшчэ невядома.

Дадаць камэнтар

Камэнтары