КААРДЫНАТАР ЗУБРА ЯЎГЕН АФНАГЕЛЬ АРЫШТАВАНЫ НА 15 СУТАК

14.02.2006.

Затрыманы 13 лютага Яўген Афнагель правёў ноч у сьпецразмеркавальніку на Акрэсьціна. Сёньня ў суд падтрымаць сябра прыйшлі некалькі дзясяткаў моладзевых актывістаў.

Паколькі ніякага складу правапарушэньня ў дзеяньнях Яўгена Афнагеля не было, яго папросту абвінавацілі ў дробным хуліганстве -- нібыта за нецэнзурную лаянку: менавіта такія абвінавачваньні прад'яўляюць прадстаўнікам дэмакратычных рухаў, каб ізаляваць іх на 10-15 сутак. Сьведкамі на судзе выступілі тыя ж самыя супрацоўнікі АМОНу ў цывільным, якія затрымлівалі маладых людзей, калі яны мірна стаялі на плошчы Перамогі – старшы сяржант міліцыі Зьміцер Ламака і радавы Андрэй Цэдрык. Судзьдзя Ала Дзімінская вынесла прысуд зуброўцу – 15 суток арышту.

Дадаць камэнтар

Камэнтары