Падрыхтоўка да правядзеньня прэзідэнцкіх выбараў у Беларусі была абмеркаваная ў Нарвегіі.

16.02.2006.

15 лютага ў Осла ў офісе Нарвежскага Хельсінскага камітэта адбыўся семінар “Перспектывы выбараў у Беларусі 19 сакавіка 2006 году”. У семінары ўзялі ўдзел сябры Правабарончага цэнтру “Вясна” Алесь Бяляцкі, Валянцін Стэфановіч, Тацяна Равяка, a таксама прадстаўнікі нарвежскіх праваабарончых арганізацыяў, СМІ і дзяржаўных нарвежскіх установаў. На семінары былі абмеркаваная сітуацыя, якая склалася ў Беларусі напярэдадні выбараў.
Беларускія праваабаронцы зазначылі, што апошнія этапы выбарчай кампаніі, якія нядаўна былі завершаныя, сьведчаць пра тое, што выбары ўжо зараз не адпавядаюць асноўным міжнародным стандартам у галіне выбараў; прынцыпам галоснасьці ці адкрытытасьці і дэмакратычнасьці.
Пасьля выступаў беларускія ўдзельнікі круглага стала адказалі на шматлікія пытаньні прысутных. З боку нарвежскіх СМІ была вялікая цікавасьць да грамадзка-палітычнай сітуацыі ў Беларусі, а таксам, чым Нарвегія са свайго боку магла б дапамагчы ў працэсе дэмакратызацыі Беларусі.

Дадаць камэнтар

Камэнтары