У Гомелі на прыватную кватэру кіраўніка рэгіянальнай ініцыятыўнай групы Аляксандра Казуліна ўварваліся міліцыянты

22.02.2006.

21 лютага ў Гомелі а 17-й гадзіне на прыватную кватэру на вуліцы Кірава, якую зарэндаваў кіраўнік рэгіянальнай ініцыятыўнай групы Казуліна Сяргей Старычэнка, пранік маёр міліцыі і людзі ў цывільным, паведаміла радыё Свабода.
Якім чынам незнаёмцы адчынілі дзьверы, ніхто ня ведае. Ні маёр, ні іншыя нязваныя госьці не назвалі сябе. Яны спрабавалі высьветліць асобы прысутных ды здымалі іх на відэакамэру.
У кватэры ў гэты час знаходзіліся сябры ініцыятыўнай групы, у тым ліку і намесьнік Аляксандра Казуліна па партыі Анатоль Ляўковіч. Усе яны абмяркоўвалі, якім чынам зарганізаваць у рэгіёне агітацыйную кампанію.
Прысутных чальцоў ініцыятыўнай групы Казуліна вымусілі ехаць у міліцэйскі пастарунак Цэнтральнага раёну.

Дадаць камэнтар

Камэнтары