У Калінкавічах супрацоўнікі міліцыі затрымалі распаўсюднікаў агітацыйных буклетаў адзінага кандадата

27.02.2006.

27 лютага ў Калінкавічах супрацоўнікамі міліцыі былі затрыманыя Аляксей Маневіч і Дзяніс Рабянок, якія распаўсюджвалі агітацыйныя буклеты ў падтрымку зарэгістраванага кандыдата ў прэзыдэнты Аляксандра Мілінкевіча.

Супрацоўнікі РАУС на чале з капітанам міліцыі Алегам Клімам не палічылі патрэбным патлумачыць грамадзкім актывістам прычыны іх затрыманьня. У пастарунку хлопцаў сустрэў намесьнік начальніка міліцыі грамадзянскай бясьпекі і спэцыяльнай міліцыі РАУС Юрый Красюк, які даў загад адабраць агітацыйныя матэрыялы. Міліцыянты доўгі час адмаўляліся складаць пратакол затрыманьня актывістаў, матывуючы адмову адсутнасьцю злачынства, але пасьля таго, як быў складзены пратакол аб адміністратыўным парушэньні, быў аформлены і пратакол затрыманьня.

Грамадзкія актывісты прынялі рашэньне абскардзіць дзеяньні супрацоўнікаў РАУС у пракуратуры, паведаміла прэс-служба Асамблеі НДА.

Дадаць камэнтар

Камэнтары