Прадпрымальнікам, якія прадаюць "Газету Слонімскую", пагражаюць закрыццём
24.04.2006.
Як стала вядома галоўнаму рэдактару "Газеты Слонімскай" Віктару Валадашчуку з кампетэнтных крыніц, загадчык аддзелу гандлю і бытавых паслугаў мясцовага райвыканкаму Ігар Трафімовіч стаў пагражаць індывідуальным прадпрымальнікам, якія ўзялі на рэалізацыю "Газету Слонімскую", што іх гандлёвыя кропкі будуць зліквідаваныя.На гэты час слонімскі індывідуальны прадпрымальнік Віктар Кастусік скасаваў дамову з выданнем на распаўсюд выдання праз раздробны гандаль, спаслаўшыся на тое, што яму пагражалі непрыемнасцямі. У Віктара ўласны бізнэс, які тычыцца продажу кніг, часопісаў, некаторых канцылярскіх тавараў і інш. "Калі я і надалей буду прадаваць "ГС" на сваіх паліцах, то магу страціць бізнэс", - прызнаецца Віктар Кастусік.
Пагрозаў слонімскага чыноўніка Ігара Трафімовіча пакуль што не пабаяліся шасцёра слонімскіх прадпрымальнікаў, якія працягваюць прадаваць "ГС", паведаміла прэс-служба БАЖ.
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
