Кіраўніцтва Эўрапейскага Зьвязу выступіць з заявай з нагоды прысуду актывістам "Партнэрства"
07.08.2006.
Генэральны сакратар Рады Эўрапейскага Зьвязу, кіраўнік замежнай палітыкі і палітыкі бясьпекі Эўразьвязу Хавіер Саляна на просьбу Радыё Свабода пракамэнтаваў вынясеньне прысуду актывістам незарэгістраванай ініцыятывы "Партнэрства".Саляна заклікаў беларускія ўлады неадкладна вызваліць і апраўдаць актывістаў "Партнэрства", таксама як і ўсіх астатніх палітычных вязьняў у Беларусі.
"Прэзыдэнт Лукашэнка заявіў на гэтым тыдні пра сваё жаданьне наладзіць узаемавыгаднае партнэрства з Эўразьвязам. На жаль, засуджэньне палітычных актывістаў ня дасьць нічога для разьвіцьця такога партнэрства", заявіў Хавіер Саляна.
Чакаецца, што кіраўніцтва Эўрапейскага Зьвязу выступіць з заяваю з нагоды прысуду актывістам "Партнэрства" ў панядзелак.
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
