Ад уладальнікаў маршрутных таксовак патрабуюць грошы

08.08.2006.

Ад уладальнікаў маршрутных таксовак патрабуюць грошы
Зь ліпеня 2006 года з уладальнікаў маршрутных таксовак у Менску сталі патрабаваць грошы ў памеры адной базавай велічыні на месяц за адзін аўтобус. Як паведаміў праваабарончаму цэнтру «Вясна» адзін з прадпрымальнікаў, зь мінулага месяцу іх выклікае да сябе начальнік аддзела маршрутных таксі дзяржаўнай установы «Сталічны транспарт і сувязь» Валер Сасіноўскі.
Спадар Сасіноўскі сьцьвярджае, што грошы зьбіраюць на падставе пэўнага дакумэнту гарвыканкаму. Сам жа дакумэнт ён назваць адмовіўся, але зазначыў, што ўсе ўладальнікі маршрутак знаёмяцца з паперай, перш чым плаціць грошы. Аднак прадпрымальнікі кажуць іншае. Маўляў, ніякага дакумэнту ім не паказваюць, а толькі называюць нумар рахунку, куды пералічваць грошы, ды скардзяцца, што пагражаюць пазбавіць іх маршрутаў у выпадку, калі тыя адмовяцца плаціць.

Дадаць камэнтар

Камэнтары