Мікалая Астрэйку і Цімафея Дранчука перавялі ў ізалятар на Валадарскага
11.08.2006.
Асуджаных актывістаў незарэгістраванай арганізацыі "Партнэрства" Міколу Астрэйку і Цімафея Дранчука перавялі зь сьледчага ізалятару КДБ у сьледчы ізалятар ГУУС Менгарвыканкаму на вуліцы Валадарскага. Пра гэта агенцтву БелаПАН паведаміла сястра Цімафея Дранчука Юлія.Паводле яе словаў, 10 жніўня Цімафей сустрэўся з адвакатам той і паведаміў сваякам аб пераводзе асуджанага. "Як мне сказалі, у СІЗА на Валадарскага спачатку не разабраліся і ледзь не пасадзілі Міколу Астрэйку і Цімафея ў адну камэру", зазначыла Юлія Дранчук.
Нагадаем, што раней у СІЗА ГУУС Менгарвыканкаму былі пераведзеныя іншыя асуджаныя па справе "Партнэрства" Аляксандр Шалайка і Эніра Браніцкая.
Актывісты "Партнэрства" пакараныя рознымі тэрмінамі пазбаўленьня волі: Мікалай Астрэйка двума гадамі, Цімафей Дранчук годам, Эніра Браніцкая і Аляксандр Шалайка шасьцю месяцамі.
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
