Актывісты непрызнанага ўладамі Саюзу знаходзяцца пад пільнай увагай следчых

29.09.2006.

28 верасьня ў аддзел дазнаньня Ленінскага раённага ўпраўленьня Горадні выклікалі Анжаліку Борыс. Сьледчую Натальлю Гайдаш цікавіла яе дзейнасьць на чале гэтай арганізацыі.

Анжаліка Борыс, атрымаўшы чарговую позву, наведвае кабінэты сьледчых — прычым, лічыць колькасьць выклікаў. Радыё Свабодзе яна паведаміла, што гэта быў 77 раз, калі яе выклікалі на допыт: "Я адмовілася даваць паказаньні. Пытаньне датычыла маёй цяперашняй дзейнасьці: чаму я арганізую мерапрыемствы Саюзу палякаў?”

Анжаліка Борыс гаворыць, што для яе гэта бессэнсоўнае пытаньне: паўтара году таму яе абралі кіраўніцай Саюзу палякаў дэлегаты зьезду, таму яна і займаецца гэтай дзейнасьцю. Спадарыня Борыс мяркуе, што ёй няма чаго тлумачыць міліцыянтам.

У пастарунак таксама выклікалі актывіста Саюзу палякаў Веслава Кеўляка, цікавіліся выхадам газэты “Glos znad Niemna na uchodzstwie”. Актывіст арганізацыі Мечыслаў Яскевіч і заснавальнік Саюзу палякаў Тадэвуш Гавін таксама былі выкліканыя на допыт у пракуратуру .

Дадаць камэнтар

Камэнтары