Лідэр аб’яднанай гармадзянскай партыіі (АГП) Анатоль Лябедзька не змог зарэгістраваць ініцыятыўную групу па вылучэнні сябе кандыдатам у дэпутаты Менгарсавета

13.11.2006.

Як паведаміў БелаПАН намеснік старшыні партыі Ігар Шынкарык, палітык збіраўся балатавацца па Адзінцоўскай выбарчай акрузе. Аднак дакументы на рэгістрацыю тэрытарыяльная камісія не прыняла. Справа ў тым, што камісія працавала 5, 8 і 9 лістапада. Аднак у гэтыя дні А.Лябедзька знаходзіўся за мяжой. Спісы ініцыятыўнай групы спрабаваў зарэгістраваць І.Шынкарык, але ў камісіі яму заявілі, што для рэгістрацыі неабходная прысутнасць асобы, якая збіраецца балатавацца ў Менгарсавет. У выніку па Адзінцоўскай акрузе будзе спрабаваць прабіцца ў гарадскі савет сын палітыка Арцём Лябедзька.

У самога лідэра АГП засталася толькі адна магчымасць прыняць удзел у выбарах – высунуцца ад партыі. Верагодней за ўсё, ён будзе балатавацца па Куйбышаўскай выбарчай акрузе, дзе размешчаная штаб-кватэра АГП. У гэтай акрузе ўжо зарэгістраваў сваю ініцыятыўную групу лідэр Партыі камуністаў Беларускай Сяргей Калякін, а таксама мае намер балатавацца намеснік старшыні Партыі БНФ Віктар Івашкевіч.

Дадаць камэнтар

Камэнтары