У Бабруйску адмовілі ў рэгістрацыі ініцыятыўнай групе Алеся Чыгіра

14.11.2006.

Дэпутату Бабруйскага гарсавету Алесю Чыгіру адмовілі ў рэгістрацыі ягонай ініцыятыўнай групы, паведаміла Радыё Свабода. Фармальнай падставай для адмовы стала памылка ў афармленьні дакумэнтаў.

У тэлефоннай гутарцы спадар Чыгір паведаміў, што ён паблытаў нумар выбарчай акругі ў паперы са сьпісам ініцыятыўнай групы. Памылку ён называе тэхнічнай, а дзеяньні выбарчай камісіі перадузятымі. Алесь Чыгір кажа, што выбарчая камісія мелася спраўдзіць заяву аб ягоным намеры балятавацца з паперай са сьпісам ініцыятыўнай групы й прыняць рашэньне на падставе заявы.

Алесь Чыгір падаў скаргі ў Магілёўскую абласную і Цэнтральную выбарчыя камісіі.

Пакуль скаргі разглядаюцца, дэпутат Бабруйскага гарсавету Алесь Чыгір зьбірае подпісы за сваіх паплечнікаў зь мясцовай кааліцыі “Рух за свабоду”. Ён сябра адзінаццаці ініцыятыўных групаў.

Дадаць камэнтар

Камэнтары