Мікола Астрэйка дома
20.11.2006.
17 лістапада са Шклоўскай калёніі быў вызвалены лідэр незарэгістраванай арганізацыі “Партнэрства” Мікалай Астрэйка, паведаміла Радыё Свабода. Яму зьмянілі рэжым адбыцьця пакараньня на папраўчыя працы. Зараз Мікола знаходзіцца дома. Днямі ён упершыню пабачыў сваю дачку Лізу, якая нарадзілася, калі Мікола быў у турме.Сёньня раніцай Мікола пайшоў у міліцыю, якая мусіць вызначыць, дзе ён будзе працаваць.
Астрэйка быў арыштаваны у лютым гэтага года і атрымаў 2 гады турмы за ўдзел у незарэгістраванай арганізацыі. Яшчэ адзін сябар “Партнэрства” Цімафей Дранчук, які быў засуджаны да году турмы, застаецца за кратамі.
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
