Гарадзенскі суд аштрафаваў Вадзіма Логвінава і Аляксея Крывенцава на 30 базавых велічыняў кожнага

09.01.2007.

9 студзеня ў Гродне адбыўся суд над Вадзімам Логвінавым і Аляксеем Крывенцавым, якія ў верасні мінулага году размалявалі сцены студэнцкага інтэрната пратэстнымі графіці. Судзьдзя Жана Краўчанка прызнала хлопцаў вінаватымі ў здзяйсьненьні правапарушэньня па арт. 341 арт. “Апаганьваньне будынкаў і псаваньне маёмасьці” і пакарала хлопцаў штрафам у памеры 930 тысячаў рублёў кожнага.

Паколькі максімальнае пакараньне па дадзеным артыкуле КК РБ прадугледжвала да 3-х месяцаў зьняволеньня, адвакат Андрэй Шчапяткоў выказаў задаволенасьць прысудам. Паводле яго словаў, улічваючы зьмест і колькасьць надпісаў на сьценах інтэрната, а таксама ранейшы досьвед разгляду падобных справаў, ён мог аказацца куды цяжэйшым.

Дадаць камэнтар

Камэнтары