Крымінальная справа супраць кандыдата ў дэпутаты Аляксандра Булаўкіна накіраваная ў суд

10.01.2007.

Пра гэта сябру Аб’яднанай грамадзянскай партыі Аляксандру Булаўкіну паведаміў сьледчы Круглянскага раённага аддзелу ўнутраных спраў Чысьцякоў.

Крымінальная справа супраць Аляксандра Булаўкіна распачата з ініцыятывы раённай выбарчай камісіі. Выбаркам абвінаваціў актывіста ў падробцы подпісу старшыні сходу сяброў суполкі АГП, якая вылучыла яго кандыдатам у дэпутаты.

Аляксандар Булаўкін адкідае ўсе абвінавачваньні на свой адрас, мяркуючы, што мясцовая ўлада гэткім чынам помсьціць яму за партыйную і праваабарончую дзейнасьць, якой ён займаецца апошнія сем год.

Спадар Булаўкін тры гады адпрацаваў у праваахоўных органах. Сышоў са службы, як зазначае сам, паводле ўласнага жаданьня з прычыны ідэалягічных разыходжаньняў у ацэнцы падзей у краіне. Цяпер ён прадпрымальнік, адзначае Радыё Свабода.

Дадаць камэнтар

Камэнтары