12 студзеня ў Барысаве адбыўся суд над сябрам Партыі БНФ Сяргеем Салашам. Давераная асоба кандыдата ў дэпутаты Менскага абласнога савету дэпутатаў Зьмітра Бабіцкага асуджаны на 5 сутак адміністратыўнага арышту

13.01.2007.

11 студзеня сябра Партыі БНФ з Барысава Сяргей Салаш быў затрыманы каля свайго дома падчас таго, як незнаёмы мужчына пачаў правакаваць яго на бойку. Адміністратыўная справа на актывіста, давераную асобу кандыдата ў дэпутаты Менскага абласнога савету дэпутатаў Зьмітра Бабіцкага, была складзена па арт.156 КаАП - дробнае хуліганства. Падчас усёй агітацыйнай кампаніі Сяргей Салаш прымаў актыўны ўдзел у распаўсюдзе інфармацыі пра Зьмітра Бабіцкага, Партыю БНФ, нафтава-газавую праблему, з якой сутыкнулася Беларусь напярэдадні мясцовых выбараў.

12 студзеня ў Барысаўскім гарадзкім судзе ў 10 гадзінаў раніцы пачалося судовае паседжаньне, якое цягнулася да канца працоўнага дня. Судзьдзя Кобец Ю.М. абвясьціў рашэньне ў 18 гадзінаў вечара, калі ўжо зачыняўся будынак суду, не пусьціўшы пры гэтым на вынясеньне прысуду грамадзкіх абаронцаў і журналістаў. Сяргей Салаш абвінавачаны нібыта ў нецэнзурнай лаянцы і пакараны адміністратыўным арыштам на 5 сутак.

Дадаць камэнтар

Камэнтары