Сёньня ў Магілёве ў КДБ была дапытаная моладзевая актывістка Юля Гарачанкова

23.01.2007.

22 студзеня раніцай Юліі Гарачанковай патэлефанавалі з упраўленьня КДБ, прадставіліся і запрасілі прыйсьці на размову. Дзяўчына адказала, што прыйдзе толькі па павестцы, і ў той жа дзень увечары павестка была ўручана яе маці, бо Юлі не было дома. У "запрашэньні" было прапанавана прыйсьці 23 студзеня ў 10 гадзінаў раніцы.

У прызначаны час разам з Юліяй Гарачка на размову ў КДБ прыйшоў праваабаронца Барыс Бухель, але яго не пусьцілі. Актывістка паведаміла ПЦ "Вясна", што размова тычылася нібыта нейкай кантрабанды наркотыкаў, выяўленай на варшаўскім цягніку, таму ў яе распытваліся пра паездку ў Польшчу, калі гэта было, якім цягніком яна ехала і г.д. Супрацоўнік КДБ нават не пацікавіўся, што яна рабіла за мяжой, аднак і дзяўчына не пацікавілася, адкуль у іх зьвесткі пра яе паездку. У гутарцы было зададзена толькі адно пытаньне, якое не тычылася вызначанай тэмы: пра стаўленьне Юліі да Расеі, да адносінаў паміж Беларусьсю і суседняй краінай. У адказ яна паціснула плячыма.

Дадаць камэнтар

Камэнтары