26 студзеня моладзевы актывіст Аляксей Шыдлоўскі аштрафаваны на 310 тысяч рублёў за расклейваньне налепак

29.01.2007.

Аляксей Шыдлоўскі быў затрыманы міліцыянтамі ў цэнтры Менску за расклейваньне налепак “Джынс – за свабоду” 8 студзеня. Моладзевага актывіста даставілі ў Партызанскі РУУС Менску, дзе склалі пратакол аб парушэньні Указу прэзідэнта № 31 аб добраўпарадкаваньні тэрыторыяў. Гэты ўказ прадугледжвае адміністратыўную адказнасьць за расклейваньне друкаваных матэрыялаў ў нявызначаных для гэтага месцах.

26 студзеня адбылося паседжаньне адміністратыўнай камісіі Партызанскага раёну, якая вынесла моладзеваму актывісту Аляксею Шыдлоўскаму штраф памерам 10 базавых велічыняў, што складае 310 тысяч рублёў

Дадаць камэнтар

Камэнтары