Хваля допытаў маладзёвых актывістаў дакацілася да Бярэсьця
15.03.2007.
У Берасьці 14 сакавіка КДБ дапытаў актывіста дэмакратычнага руху Андрэя Васілевіча пра дзейнасьць незарэгістраванага Маладога Фронту.Як паведаміў Радыё Рацыя Дзьмітрый Шыманскі, старшыня берасьцейскай гарадзкой арганізацыі Партыі БНФ, допыт працягваўся 50 хвілінаў і датычыў высьвятленьня прыналежнасьці шэрагу берасьцейцаў да Маладога Фронту. На большасьць пытаньняў Васілевіч адмовіўся адказваць.
— Падчас допыту, — сказаў Шыманскі, — Васілевіч даведаўся, што па гэтай справе 13 сакавіка быў дапытаны яшчэ адзін берасьцеец — Сяргей Байко, дэлегат Кангрэсу дэмакратычных сілаў у 2005 годзе. Я расцэньваю гэта як спробу запалохаць моладзь напярэдадні Дня волі, які 25 сакавіка будзе шырока адзначацца ў Менску на Кастрычніцкай плошчы.
Дадаць камэнтар
Вы павінны зарэгістравацца альбо ўвайсьці ў сыстэму , каб мець магчымасьць пакідаць камэнтары
Камэнтары
Камэнтароў да гэтага артыкулу няма
