Эўразьвяз заклікае Менск не падаўляць мірную дэманстрацыю 25 сакавіка

24.03.2007.

Кіраўніцтва Эўразьвязу зрабіла заяву ў зьвязку з працяглым запалохваньнем актывістаў беларускіх няўрадавых арганізацый, лідэраў палітычных партый і моладзевых актывістаў напярэдадні мірнай акцыі, маючай адбыцца 25 сакавіка ў Менску, паведамляе Радыё Свабода.

“Мы настойліва патрабуем ад кіраўніцтва Беларусі забясьпечыць грамадзянам Беларусі рэалізацыю іх права на свабоду слова і мірных сходаў”, гаворыцца ў заяве. Прэзыдэнцтва ЭЗ таксама заклікае беларускія ўлады ня ўмешвацца ў гэты працэс і “не дапускаць нападу на дэманстрантаў з боку сілавых структураў”.

У заяве таксама ўтрымліваецца занепакоенасьць станам палітвязьняў у Беларусі і патрабаваньне іхнага неадкладнага вызваленьня.

Дадаць камэнтар

Камэнтары